من فن الواو

أبدأ بشكرى لإلهى

حمده و شكره شى رائع

و اللى عن الرب لاهى

مذموم فى كل الشرائع

أحيا بذكره و لا أنساه

رب البصاير مجيرى

نظم فى ملكه و أحصاه

و هدانى عقلى و ضميرى

بعينك قم راقب الله

و انظر بعقلك لكونه

ما فى ركن إلا له معناه

فى حركته أو فى سكونه

إن ملت ميل على زند

يتحملك وقت ميلة

لا السند تبعد و لا الهند

ع اللى ركايبه أصيلة

من يجهل الصقر يشويه

و نقول على قول قايل

إن كان فى الضل تشويه

فلابد ما العود مايل

مش كل أسود شى بطال

و لا كل أبيض شى خايل

إوعى تأمن لأشكال

حتى تشوف الفعايل

بقى ليك فى الحى نخلة

ياللى رميت النواية

و الدنيا على الدوم تحلى

لو تصفى فيها النوايا

عبده الشنهورى

( قنا )